Qeveria ‘shtetëzon’ kafenetë e burgjeve – Rama: Së shpejti vihet në funksion sistemi i ri
Të gjitha kafenetë që ndodhet brenda burgjeve të cilat administrohen nga persona të jashtëm do të mbyllen. Deklarata ka ardhur nga kryeministri, Edi Rama, gjatë prezantimit të kreut të ri të Policisë së Burgjeve.
Sipas kryeministrit, një pjesë e madhe e tyre janë kthyer në pika grumbullimi për celularë dhe lëndë narkotike për të burgosuri dhe administrohen nga persona të lidhur me krimin e organizuar.
“Ministria e Drejtësisë do të sigurojë falë edhe bashkëpunimit me drejtorin e ri të Përgjithshëm dhe drejtorin e sapozgjedhur të Policisë së Burgjeve mbylljen përfundimtare të të gjithë llojeve të kafeneve, bareve, klubeve të administruara nga persona të jashtëm të cilët janë qartësisht të lidhur me krimin e organizuar në një pjesë të rasteve. Hera herës është vënë re në të shkuarën i kanë kthyer këto bare në qendra grumbullimi dhe shpërndarje të celularëve apo dhe më ke akoma, të lëndëve nerkotike”, deklaroi Rama.
Ky i fundit është shprehur se çdo shërbim i brendshëm do të administrohet drejtpërdrejt nga sistemi shtetëror i vuajtjes së dënimit. Ndërkohë, ka shtuar se së shpejti do të ndërtohet një sistem i brendshëm me shërbim katering nga jashtë tërësisht të kontrolluar.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.