Qeveritë Shqipëri – Kosovë, mbledhja e përbashkët më 24 prill në Vlorë
Qeveria shqiptare dhe ajo e Kosovës do të zhvillojnë mbledhjen e përbashkët, që duket se tashmë është bërë traditë, më 24 Prill në qytetin e Vlorës. Lajmi është bërë me dije nga Ministri i Jashtëm, Ditmir Bushati, gjatë një konference për shtyp me homologun e Kosovës, Enver Hoxhaj, i cili po zhvillon një vizitë zyrtare në vendin tonë.
Të dy palët kanë dhënë detaje, duke theksuar se mbledhja do të përqendrohet në rritjen e bashkëpunimit mes dy vendeve, dhe kryesisht atë ekonomik. Ministri i Jashtëm i Kosovës theksoi se ende ka barriera tregtare mes dy vendeve qe ndikojnë negativisht në ekonomitë e tyre.
Gjatë konferencës, ministrat u shprehën ndër të tjera se në 4 vitet e fundit bashkëpunimi mes dy vendeve është rritur vazhdimisht dhe volumi i shkëmbimeve tregtare ka arritur në 200 milionë euro.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.