QSUT shpall 30 vende të lira pune për infermierë. Kriteret për aplikim, dokumentet dhe fazat e testimit për kandidatët
Drejtoria e QSUT njofton shpalljen e 30 vendeve vakante, për pozicionin Infermier të përgjithshëm, Infermier Salle Operacioni dhe Infermier në Reanimacion; pranë Shërbimeve Mjekësore pranë QSUT. Të gjithë personat duhet të plotësojnë kriteret dhe dosjen me dokumente për të qenë i përzgjedhur.
Personat e interesuar duhet të dorëzojnë CV dhe një adresë e-mail ; si dhe dokumentet përkatëse sipas kritereve të mëposhtme.
Kritere të përgjithshme
- Të jetë diplomuar, minimalisht, në nivelin Bachelor “Infermier”.
- Për diploma në universitetet jashtë Republikës së Shqipërisë, duhet të dorëzohet ekuivalentimi i diplomës, konform legjislacionit në fuqi.
- Të jetë i/e pajisur me Licencën e Ushtrimit të Profesionit nga “Urdhri i Infermierit” (të vlefshme).
- Përvojë pune të ngjashme, specializimet specifike dhe certifikatat e aktiviteteve të ndryshme të Edukimit në Vazhdim, përbëjnë kusht preferencial.
- Të njoh minimalisht 1 (një) gjuhë të huaj, preferohet gjuha angleze
- Të punojë me ndershmëri dhe të ketë integritet.
- Të zotëroje aftësi të mira kompjuterike, paketën Microsoft Office, etj..
- Të jetë i komunikueshëm dhe i vëmendshëm në detyrat që i përcaktohen.
- Të jetë i organizuar, i aftë të punojë në grup dhe nën trysninë e respektimit të afateve.
Kritere të veçanta Infermier në reanimacion
Kritere të veçanta Infermier në reanimacion:
- Vlerësimi i gjendjes së pacientit, planifikimi dhe zbatimi i planeve të kujdesit infermieror ndaj pacientit.
- Trajtimi i plagëve dhe sigurimi i suportit të avancuar.
- Asiston / Ndihmon mjekët në kryerjen e procedurave mjekësore.
- Observon dhe regjistron shenjat vitale të pacientëve.
- Siguron që ventilimi, monitorimi dhe llojet e tjera të pajisjeve mjekësore të funksionojnë siç duhet.
- Administron likide dhe medikamente intravenoze.
- Zbaton testet diagnostikuese të deleguar nga mjeku..
- Bashkëpunon ngushtë me anëtarët e tjerë të ekipit.
- Përgjigjet situatave të ruajtjes së jetës, duke përdorur standardet dhe protokollet infermierore.
- Siguron edukim dhe mbështetje për familjarët e pacientëve
Kritere të veçanta Infermier në Sallë Operacioni
Kritere të veçanta Infermier në Sallë Operacioni:
- Vlerëson pacientët para operacionit (p.sh. statusi NPO) dhe ndihmon gjendjen e tyre.
- Vlerëson dhe ruan mbajtjen sterile të dhomës operatore.
- Përgatit pacientin për ndërhyrje operatore (faza peri operatore).
- Observon shenjat vitale të pacientit gjatë monitorimit për të zbuluar anomali të ndryshme.
- Vlerëson pacientin në fazat post-operatore.
- Zbaton standardet e sigurisë së pacientit dhe masat paraprake dhe njeh teknikat sterile dhe aseptike.
- Merr dhe delegon detyrat brenda ose jashtë fushës sterile sipas protokolleve infermierore.
- Njeh hollësisht procedurat e ndërhyrjeve kirurgjikale.
Depozitimi i aplikimeve do të bëhet pranë zyrës së Marrëdhënieve Publikun në Drejtorinë e Q.S.U.”Nënë Tereza”.
Të gjithë kandidatët fitues do të rivlerësohen në fund të kontratës 3(tre) mujore për respektimin e etikës profesionale, përkushtimin njerëzor ndaj pacientëve dhe aftësitë tekniko profesionale të infermierit.
Aplikimet pranohen nga data 07.11.2017 deri më datë 21.11.2017.
Aplikantët do të njoftohen për zhvillimin e fazave të konkursit, nëpërmjet postës elektronike (e-mail)
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.