Qytetarët që udhëtojnë drejt Shqipërisë me makinë me targa të huaja, AMF: Kujdes me Policat Kufitare

Autoriteti i Mbikëqyrjes Financiare këshillon qytetarët që udhëtojnë drejt Shqipërisë me automjetet e tyre me targa të huaja të bëjnë kujdes në pajisjen me policat kufitare dhe t’i presin këto polica vetëm në pika të autorizuara dhe nga agjentë të licencuar.

Elementët e sigurisë që duhet të ketë Polica Kufitare janë:

1. Numri i serisë së policës është unik dhe duhet të fillojë me dy shifrat e fundit të vitit aktual. (Shembull: Viti 2018 = 18xxxxxxx).
2. Polica e sigurimit kufitar është e shkruar në format elektronik dhe në asnjë rast me shkrim dore.
3. Polica ka një numër unik të rastësishëm identifikues të policës së sigurimit në regjistrin elektronik online të shitjeve të sigurimit të detyrueshëm motorik me elementë sigurie të gjeneruar nga AMF.

Autoriteti ka nisur një inspektim të përbashkët me Policinë e Shtetit për të verifikuar policat kufitare për shtetasit që hyjnë në territorin e Shqipërisë me mjetet e tyre. Inspektimi do të shtrihet edhe në ditët në vazhdim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.