Qytetet inteligjente – Bashkitë sjellin risitë e fundit dhe vizionet për të ardhmen

Njësitë vendore në vendin tonë janë gjithmonë e më të prirura drejt zgjidhjeve inteligjente për ofrimin e shërbimeve. Në forumin e organizuar nga ambasada Daneze, përfaqësues të qeverisë shqiptare mbështetën idenë për përqafimin e sa më shumë risive në fushën e turizmit, energjisë dhe bujqësisë për përfitime të shumta me kosto të ulta.

Të pranishëm në këtë aktivitet ishin dhe krerët e disa bashkive të cilët sollën përvojat e tyre në zgjidhjet inteligjente. Kreu i bashkisë së Tiranës Erion Veliaj theksoi se të tjera risi do ti shtohen kryeqytetit si autobusët elektrik dhe projekti për biçikletat. Ndërsa kreu i bashkisë së Shkodrës, Voltana Ademi vuri theksin tek rëndësia reduktimit të kostove dhe përdorimit me eficiencë të financave përmes projekteve inteligjente.

Në këtë aktivitet morën pjesë edhe krerët të bashkive në Danimarkë të cilët sollën përvojën e tyre në këtë drejtim.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.