Qytetet që do të sundojnë botën në 2025

Gjithnjë e më shumë, të ashtuquajturat ‘’mega qytetet’’  po pushtojnë gjithë botën, duke u bërë qendra të popullsisë dhe pasurisë. Qytetet që do të dominojnë botën në vitin 2025 janë Londra, Parisi dhe Hollanda.

Sipas studimit të McKinsey & Company, popullsia e Londrës do të rritet nga 14.8 milionë në mbi 16 milionë deri në vitin 2025. Kjo për shkak se çmimet e pronave në kryeqytetin e Anglisë janë duke u rritur me një ritëm alarmues, pjesërisht falë blerësve të huaj.

Përsa i përket Parisit, qytetit të dashurisë, popullsia do të rritet nga 11.8 milionë në 12.8 milionë deri në vitin 2025. GDP-ja e përgjithshme gjithashtu do të ngrihet nga 754 miliardë dollarë në 971 miliardë dollarë. Kjo sepse investitorët ndërkombëtarë ende janë duke blerë në Paris, me kërkesën që tani popullsia të përhapet në periferitë e vendit, duke sjellë kështu zhvillime të reja.

Randstad përbëhet nga katër qytetet më të mëdha të Holandës: Amsterdam, Roterdam, Den Haag dhe Utrecht. Këtu, popullsia do të shkojë nga 7 milionë deri në 7,2 milionë ndërsa GDP-ja pritet të rritet nga 364 miliardë dollarë në 462 miliardë dollarë. Roterdam ndodhet vetëm një orë larg me makinë nga Amsterdami, qyteti i portit, i cili po bëhet qendër për biznesin ndërkombëtar, me shumë kompani që ngrenë zyrat e tyre europiane atje.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.