Qyteti mesdhetar ka një mënyrë të re për të luftuar mbi-turizmin pas pandemisë
Firence në kohën e saj më të ngarkuar, kishte mbi 12,000 vizitorë në ditë, më së shumti duke nxituar para veprave të artit të rilindjes për të shkrepur selfie me figurat e mëdha si: Venusi i Botticelli, Familja e Shenjtë e Michelangelo dhe Venusi i Titianit të Urbino.
Përrallat e radhëve për orë të tëra për të hyrë ishin të shumta dhe Uffizi zuri vendin e saj në atë listë të pa lakmueshme të vendeve ku duhet të shkoni me patjetër një herë në jetë, por përvoja ka të ngjarë të jetë aq stresuese sa që pasi ta keni shënuar si eksperiencë të kryer, mos ta përsërisni më.
Për më tepër, kaq shumë turistë po silleshin keq, saqë autoritetet fiorentine duhej të krijonin një fushatë të mirë sjelljeje, Enjoy Respect Florence, me gjobë deri në 500 euro për ata që u kapën për të piknikuar jashtë ose ulur, apo që vizatonin grafiti mbi monumentet.
Pandemia, natyrisht, e ka bërë të gjithë këtë një të kaluar. Por, përpara se udhëtimi të hapet përsëri, drejtori i Uffizi dëshiron të sigurohet që gjërat nuk do të kthehen siç ishin më parë. Një mënyrë për t’u siguruar për këtë? Devijimi i vizitorëve nga vetë Firence.
Hyni në projektin Uffizi Diffusi. Do të thotë “Uffizi i shpërndarë”, është një rimagjinim i konceptit “hotel i shpërndarë” i Italisë, në të cilin “dhoma” individuale ndodhen në shtëpi të ndryshme të një fshati.
Në këtë projekt, veprat artistike të ruajtura në depozitat e Uffizi-t do të shfaqen në të gjithë zonën përreth të Toskanës, duke e kthyer rajonin më të famshëm të Italisë në një muze të madh “të shpërndarë”.
Qytetet dhe fshatrat përreth Toskanës tani po nominojnë ndërtesa që potencialisht mund të bëhen hapësira ekspozite.
Drejtori i Uffizi, Eike Schmidt i tha CNN Travel se ideja i kishte ardhur gjatë bllokimit të vitit 2020 dhe se ai ka kaluar shumë kohë ndërsa muzeu ishte i mbyllur duke kërkuar vendet e mundshme dhe çiftëzimet e veprave artistike.
Qëllimi? Për të “krijuar një lloj tjetër turizmi”, tha ai, duke shtuar se për vendasit, kjo do të “mbështesë kulturën në jetën e përditshme të njerëzve”. “Arti nuk mund të mbijetojë vetëm në galeritë e mëdha,” shtoi ai. “Ne kemi nevojë për hapësira të shumta ekspozitash në të gjithë rajonin – veçanërisht në vendet ku lindi vetë arti. (CNN)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.