Qyteza portuale me vendndodhjen e postës më të çuditshme në botë – 1.500 km larg kontinentit!
Ishujt Azores, një arkipelag në qendër të Oqeanit Atlantik që përbën një rajon autonom të Portugalisë, përbëjnë një nga destinacionet me të vërtetë më të largëta të Tokës. Vizitorët e tyre më të shpeshtë janë jahtet, të cilët ankorohen në portin e Horta në Faial, ishulli më i mesëm me një popullsi prej vetëm 15 mijë banorësh. Pikërisht aty, afër porteve, vendoset kafeneja 100-vjeçare Café Peter Sport, një nga zyrat më të jashtëzakonshme të postës në botë.
José Henrique Azevedo është i treti i gjeneratës së pronarëve dhe mbikëqyr sallën e restorantit të kthyer në zyrë poste çdo ditë. Gjyshi i tij, i cili hapi kafenenë, krijoi një traditë duke ndihmuar marinarët që hynin, me furnizime ushqimesh e të tjera. Më vonë ai vendosi që veç këtij shërbimi të shtonte dhe diçka tjetër, pikërisht postën e qytezës portuale. Ajo u bë e njohur shpejt në komunitetin e jahteve pasi nëse letra juaj përcillej në Horta, ajo ka shumë gjasa t’iu presë në një grumbull letrash vetëm brenda kafenesë.
Azevedo thotë se edhe pse shumë prej shërbimeve të tij janë pa pagesë, monedha në të cilën kryhen transaksionet është miqësia. Pasja e kujdestarisë së postës për detarët nga e gjithë bota është një burim krenarie, dhe kjo është ajo që e bën atë të dëshirojë të drejtojë biznesin familjar. (BBC)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.