Rama: BE të ndihmojë Ballkanin ekonomikisht – Kryeministri: Jemi në pritje të negociatave. Borrell: Lufta e ktheu integrimin në emergjencë
Kryeministri Edi Rama dhe përfaqësuesi i jashtëm i BE, Josep Borell janë takuar të martën për të diskutuar shqetësimet shumëdimensionale të lindura për shkak të konfliktit Rusi-Ukrainë, si dhe procesin e integrimit të Shqipërisë. Në konferencën për mediat dhënë në fund të takimit, Kryeministri Edi Rama tha se Bashkimi Evropian duhet ta ndihmojë ekonomikisht rajonin për të zbutur efektet e konfliktit, duke përmendur fazën e hershme të Pandemisë, kur Unioni u përqndrua te vendet anëtare. Ai vijoi thirrjen për cceljen e negociatave, duke nënvizuar se Shqipëria është e gatshme për to, madje se është e dashuruar me Evropën.
Nga ana e tij, Përfaqësues i Lartë i BE-së për Punët e Jashtme tha se lufta në Ukrainë e bën emergjente integrimin e Ballkanit Perëndimor në Union. Ai foli edhe për pasojat ekonomike të konfliktit, duke e quajtur të pashmangshëm efektin e tij te ccmimet e produkteve.
Rama theksoi se Rusia po përdor si “armë” rritjen e çmimeve në mënyrë që qeveritë e vendeve të çedojnë, por sipas tij BE ka të gjithë kapacitetin dhe neutralitetin për ta mundur.
Lorenca Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.