Rama e Veliaj, me studentët – Kryeministri: Mos rrezikoni vitin shkollor për interesa politike

I shoqëruar nga Kreu i Bashkisë së Kryeqytetit dhe Ministrja e Shëndetësisë,  Kryeministri Edi Rama ka zhvilluar një takim me studentet në konviktin e saporikonstruktuar të mjekësisë.  Rama u tha studentëve se Qeveria po përmbush Paktin për Universitetin,  dhe se tani është radha e vetë atyre të mos lejojnë që të vënë në rrezik vitin shkollor  për interesa politike të disave.

Ai u tha studentëve se nuk ishte faji i qeverisë për grevën e nisur nga disa pedagogë dhe disa studentë që nuk nuk duan të lejojnë zhvillimin normal të procesit mësimor.  Rama fajësoi pedagogët që e kanë kthyer universitetin në një sistem pengmarrjeje dhe madje u shpreh i gatshëm që të jetë ai në ballë të protestës.

Kryebashkiaku Erion Veliaj u shpreh se Bashkia e Tiranës në përmbushje të detyrave që i përcakton Pakti për Universitetin, ka filluar punën për rikonstruksionin e një numri të konsiderueshëm konviktesh në të treja qendrat rezidenciale që funksionojnë në Tiranë.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.