Rama inspekton rrugën e re Shkodër – Velipojë: Të ruhen standardet e ndërtimit, një zonë me potencial ekonomik
Kryeministri Edi Rama ka inspektuar punimet e ndërtimit të rrugës së re Shkodër Velipojë, së bashku me kryebashkiaken e Shkodrës Voltana Ademi.
Rama tha se kjo rrugë është me rëndësi pasi zona ka potencial të ketë një rol të rëndësishëm në zhvillimin ekonomik të të gjithë qarkut, por edhe vendit.
“Është rrugë me rëndësi strategjike për gjithë zonën. Është një zonë intensive turistike dhe ishte koha për ti dhënë fund kësaj vështirësie së lidhjes së qytetit dhe gjithë pjesës tjetër që vijnë për Velipojë. Edhe me këto çështje teknike që janë në diskutim besojë se do të plotësohet më së miri projekti, është shumë e rëndësishme që deri në fund të ruhet standard optimal në ndërtim, që jo vetëm të bëhet rruga por edhe të jetë jetëgjatë dhe të plotësojë nevojat dhe kërkesat që do vijnë në rritje për zonën. Është qartësisht një zonë që ka potencial, që do jetë një nga pikat më të rëndësishme në shumë vite të zhvillimit turistik dhe zhvillimit ekonomik të të gjithë qarkut, por rol të rëndësishëm edhe në ekonominë kombëtare.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.