Rama, konferencë për infrastrukturën: “Përfunduam rrugët e lëna përgjysëm. Në vitin 2021, port të ri në Durrës”
Infrastruktura rrugore, detare dhe ajrore, ishin në focus të konferencës javore të kryeministri Edi Rama. Duke komunikuar me mediat bashkë me ministren e Infrastrukturës dhe energjisë Belinda kryeministri u ndal të përfundimi i disa veprave publike rrugore, ndërsa për vitin që vjen theksoj se parashikohet përfundimi i aeroportit të Kukësit dhe fillimi nga puna, për të vijuar më tej ndërtimi e porteve të ri për mallrat në Durrës dhe te ai aktuali, ndërtimi i një porti turistik.
“Përsa i përket infrastrukturës portuale, së shpejti do fillojmë me Portin e Durrësit. Ne do fillojmë punën për zhvendosjen e tij. Ai është një infrstrukturë e dal kohësh prej kohësh. Me standarte mjedisore pothuajse zero.
Ndaj në ditët në vazhdim do të fillojmë zhvendosjen e portit dhe do të hedhim në garë portin e ri të Durrësit. Kemi shumë kërkesa dhe jemi të bindur se do funksionoj. Po kështu do bëjmë dhe me Vlorën. Porti ekzistues është një infrastrukturë arkeologjike, me impakt negativ që prek drejtpërdrejt qytetin.
Zhvillimi i Lungomares përgjatë gjithë bregdetit, përfshin dhe një port turistik për të krijuar një kanal të ri kontakti, si për Durrësin. Dhe për Vlorën jemi gati, ku do të sistemojmë me standarde bashkohorë portin e shërbimeve në anën tjetër. Dhe e fundit, në pak javë do japim gjithë autorizimet, për portin e tretë, atë të Sarandës. Ai do jetë dhe i pari që do të fillojë. Kemi marrë një propozim fantastik. Shqipëria do hyjë shpejt në një hartë ku ka munguar me dekada. Që është harta e detit, harta e ekonomisë së detit.
Në lidhje me aeroportin e Kukësit, kryeministri tha se do të jetë gati në pranverën e vitit që vjen, ndërsa për aeroportin e Vlorës gara do të hapet së shpejti.
“Unë mendoj se në pranverë të këtij viti aeroporti i Kukësit do të jetë operacional. Nuk e harroj misionin tim për të sjellë 120 vota me avion nga Londra. Kush dëshiron të përfitojë udhëtime falas të nisë me mbledhjen dhe akumulimin e pikëve. Nuk i harroj ata që e kanë përqeshur dhe e kanë tallur projektin e aeroportit të Kukësit. Ky është një objektiv, shpresoj ta realizojmë.”
Kryeministri theksoi se këto vepra nuk kanë karakter zgjedhor, pasi sipas tij sondazhet Partinë Socialiste e nxjerrin fituese. Në lidhje me çështjen e detit me Greqinë, ai tha se është kërkesë e Shqipërisë hapja e saj.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.