Rama në Cakran: Në 2 vite e gjysmë, kjo qeveri kreu 130 mijë legalizime falas
Kryeministri Rama shpërndau leje legalizimi për banorët në Cakran të Fierit. Kreu i ekzekutivit tha se legalizimet e mëparshme u bënë në kurriz të njerëzve dhe të komunitetit, duke përmendur si rast banesave në Gjanicë.
“Legalizimet falas për të bërë shtet me inventar dhe nxitur ekonominë familjare. Kjo qeveri dha 130 mijë legalizime falas në 2 vite e gjysmë. Asnjë shtëpi s’do mbetet pa u legalizuar falas në Shqipërinë që duam. Gjanicën do e kthejmë në një hapësirë që do të ketë vlerë të shtuar për qytetin, në një park për qytetin. Ne do t’i rrafshojmë të gjitha godinat gjatë saj”, tha kryeministri Rama.
Gjithashtu kreu i kabinetit qeveritar tha se “më parë procesi i legalizimit u kthye në një proces abuzimi. Ne ua legalizuam shtëpitë dhe ne do t’jua legalizojmë ato. Shqipëria duhet të bëhet pjesë e Bashkimit Europian, Shqipëria nuk mund të kthehet në kohën e kioskave dhe ndërtimeve pa leje”, tha Rama
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.