Rama paralajmëron aksionin për ujin – U investuan 1.2 miliadë euro, por u shtuan humbjet. Abuzuesit më të mëdhenj bizneset

Në një takim me kryetarët e bashkive të gjithë vendin Kryeministri Edi Rama ka paralajmëruar nisjen e një aksioni masiv për furnizimin me ujë. Ai quajti të papranueshme situatën aktuale të këtij sektori në të cilin janë investuar nga viti 2014 afërisht 1.2 miliardë euro, ku humbjet dhe vjedhjet, jo vetëm nuk janë reduktuar, por janë rritur.

Ai i quajti ndërmarrjet e ujësjellësve piramida që gllabërojnë para, ku marrin rrogat një armatë militarësh, jo vetëm të paaftë profesionalisht, por përfitojnë rroga edhe pa qenë fare në Shqipëri.

Rama bëri një paralelizëm mes aksionit për energjinë, duke nënvizuar se është e papranueshme që në emër të mbrojtjes sociale, të mbrohet vjedhja e energjisë, duke përkufizuar edhe bizneset e hotelet si shkaktarët kryesor të abuzimeve.

Gjatë takimit me Krerët e Bashkive Rama paralajmëroi edhe një aksion tjetër, kësaj here kundër guroreve të paligjshme apo që kanë shkelur kontratat me shtetin.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.