Rama paralajmëron “Green pass” në prag të dimrit – “Vaksinohuni një orë e më parë, mos humbisni aksesin në ambientet publike”

Pas paralajmërimeve të përsëritura të Ministres së Shëndetësisë Ogerta Manastirliu lidhur me vendosjen e sistemit të “Green Pas”, i cili tashmë është vendosur në Universitete, ka qenë Kreu i Qeverisë Edi Rama që i  ka bërë thirrje qytetarëve të vaksinohen për të mos u privuar nga shfrytëzimi i ambienteve publike për shkak të Pandemisë Covid 19.

Përmes një postimi në rrjetet sociale, Rama jep mesazhin se vaksinimi duhet të bëhet jo vetëm për të mbrojtur veten, por edhe për të mos u ndodhur jashtë aksesit nëse situata në dimër do të imponojë rregulla të reja.

“MIRËMËNGJES dhe me ftesën për të pavaksinuarit që të vaksinohen një orë e më parë, për të mbrojtur veten e për të mos u ndodhur jashtë mundësisë së aksesit në mjedise publike, në qoftë se situata e dimrit do ta imponojë, ju uroj një fundjavë të mbarë”, shkruan Rama.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.