Rama: Pas Kuçovës, do të vijojmë me projektin e bazës ajrore të Farkës
Përveç bazës ajrore në Kuçovë, qeveria po punon edhe me projektin e bazës ajrore të Farkës. Deklarata ka ardhur nga kryeministri i vendit, Edi Rama, gjatë prezantimit të buxhetit të Ministrisë së Mbrojtjes në bazën ajrore të NATO-s në Kuçovë.
Sipas kryeministrit, kjo e fundit do të sjellë jo vetëm më shumë punësim, por edhe më shumë ekonomi në të gjithë vendin.
Ndërsa, prezantoi buxhetin e akorduar për Ministrinë e Mbrojtjes gjatë vitit 2019, Rama tha se përmes tij do të realizohen një sërë objektivash. Këto të fundit përfshijnë rritjen e pagave për personelin, blerjen e municioneve, vënien në funksion të vëzhgimit të hapësirës ajrore dhe përmirësimin e funksionimin e sistemit të integruar të hapësirës detare.
Ndërkohë, shtoi më tej se fondet e akorduara për këtë ministri do të prodhojnë më shumë infrastrukturë në zonat rurale.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.