Rama për tregjet ushqimore: Ushtria dhe policitë bashkiake do të krijojnë urgjentisht kordonët sanitarë. Masa ndëshkimore me ligj

“Nëse ky është niveli i kuptimit të detyrës njerëzore, qytetare e atdhetare, në frontin e kësaj lufte për jetë a vdekje dhe meqë mesa duket ecurinë pozitive të luftës deri tani, shumëkush po e kupton gabimisht si arsye për t’u lëshuar me idenë se s’na gjen gjë, atëherë përgjigja e shtetit do të jetë reciproke për këdo që nuk do të hyjë në rresht për të mbajtur radhë!” është shprehur kryeministri Edi Rama në faqen e tij zyrtare.

Rama gjithashtu është shprehur se ushtria dhe policitë bashkiake do të krijojnë urgjentisht kordonët sanitarë të tregjeve. Policia e shtetit do të godasë shkelësit me masa të reja ndëshkimore!

“Masat e reja ndëshkimore do të jenë ligj ditën e hënë të cilat do të përshkallëzohen deri në heqje lirie” është shprehur kryeministri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.