Rama prefektit të Durrësit: Stadiumi të qëndrojë i hapur
Kryeministri Edi Rama zhvilloi mëngjesin e së dielës një mbledhje me drejtues të Ministrisë së Mbrojtjes, Ministrisë së Brendshme, Emergjencës Civile, Rezervës së Shtetit dhe prefektë e vendit.
Gjatë mbledhjes, Rama vlerësoi të dielën, si ditën në të cilën duhet qëndruar afër individëve, të cilët janë afektuar më shumë nga tërmeti. Kryeministri tha se stadiumet, do të duhet të qëndrojë i hapur për të gjithë ata që do të ndihen të pasigurt për të kaluar natën në banesat e tyre.
“Sot stadiumi duhet të jetë i hapur dhe i pajisur me të gjithë strukturën e duhur. Ka afër 700 shtretër në dispozicion. Stadiumi do të jetë pika për të garantuar kontaktin e parë, nga ku do të merren dhe do të çohen në pikat e mbrojtjes. Nuk është vetëm tërmet, por edhe stres. Kjo nuk do të thotë aspak se tërmeti do të vazhdojë, por tërmeti është në psikologjinë e njerëzve” u shpreh Rama.
Kryeministri tha se po ashtu, në stadium do të ketë autobusë për të shoqëruar njerëzit në qendrat e mbrojtjes sociale, si dhe punonjës për të komunikuar me qytetarët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.