Rama pret kryeministrin Holandez – Rutte: Shqipëria meriton nisjen e negociatave. Ngërç qëndrimi i Bullgarisë

Gjatë ditës së sotme kryeministri i vendit Edi Rama ka pritur Kryeministrin e Holandës Mark Rutte ku kanë mbajtur së bashku edhe një konferencë për mediat.

Rutte tha se vendi jonë e meriton nisjen e negociatave por kjo varet nga zgjidhja e ngërçit mes Maqedonisë së Veriut dhe Bullgarisë.

“Është e drejtë që për të nisur konferencën e parë ndërqeveritare të ndryshojë qëndrimi i Bullgarisë. Shpresoj që kjo të ndodhë. Do të ishte e drejtë, ju keni bërë kaq shumë përparime.

Natyrisht që shumë keni bërë. Bashkimi Europian dhe Shqipëria duhet të forcojnë marrëdhëniet. Duhet të ketë diçka midis gjatë rrugës që ecim përpara”, u shpreh Rutte.

Gjithashtu për sa i përket vendit tonë Rutte u shpreh se Holanda është investuesi më i madh.

“Jam shumë i lumtur që të dyja vendet tona po zhvillojnë lidhje dypalëshe. Ne bashkëpunojmë ekonomikisht. Holanda është investuesi më i madh në Shqipëri. Nuk punojmë vetëm ekonomikisht , por edhe në raport me arkitektët. Ju vetë duke qenë artist njiheni shumë mirë. Le të vazhdojmë të punojmë shumë, të takohemi…të shpresojmë që të kemi sukses pas zgjedhjeve të së dielës në Bullgari që së paku të nisin të dyja konferencat ndërqeveritare”, tha ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.