Rama prezanton programin për arsimin: “Fund mësimit me 2 turne, kurse falas për fëmijët”

Arsimi ishte fokusi i prezantimit të programit të Partisë Socialiste nga kreu i saj Edi Rama. Duke u ndalur në pika konkrete kryeministri tha se duke filluar nga mandate i tretë do të futet në kurrikula gjuha angleze që në klasë të pare. Por gjithashtu do të përfundojë mësimi me 2 turne në shkolla, pa harruar edhe elemente të tjera që lidhen me kurse që do të rimbursohen nga shteti, apo miksim të universiteteve shqiptare me ato europiane.

“Do të çelim programin kombëtar për artin dhe zejeve, për ciklin e shkollës së mesmeve, për t’i dhënë mundësinë të stërvitin mendjen dhe duart. Bota virtuale të mos marrë peng përfundimisht, shqisat dhe mendjen e tyre. Sportet jashtë mësimit do të zënë një vend më të rëndësishëm, që nga klasa e parë deri në universitet. Shqipëria 2030, nuk kërkon vetëm tekste evropiane, por edhe një profil të ri të drejtuesit të shkollës.

Mandati i tretë do të sjellë më në fund, fundin e mësimit me dy turne, për shkak të mungesës së klasave. S’do të ketë më klasa kolektive. Ndaj sipas programeve dhe nevojave specifike, në harmoni me edukimin në Shkollë. Do të fuqizojmë programin e kurseve të personalizuara, nxënësit të mësojnë me hapat e tyre dhe mësuesit do të monitorojnë kurset. Universitetet e spikatura të vendeve mike të jenë të integruara në arsimin tonë, kjo është një ëndërr, por ndaj jemi këtu, e prandaj quhemi Partia Socialiste e Shqipërisë. Universiteti politeknik i Stambollit do të jetë vetëm dallëndyshja e parë. Dyert do të jenë të hapura dhe për studentë të huaja. 10 milionë euro në vit për hapjen e programeve të studimit me universitetet e tjera. Kampusi i ri i Universitetit të Tiranës, një qytezë moderne, i projektuar në një territor 28 mijë metrash katror. Investimi më i madh në Arsimin e Lartë do të marrë formë në mandatin e tretë. “

Rama premton kurse personale për të gjithë nxënësit nga mësuesit e shkollave, por nën monitorimin e Drejtorisë Arsimore duke i ndihmuar kështu të gjithë fëmijët të cilët mund të mbeten pas me mësimet nga shpjegimi në klasa. Një tjetër pikë e rëndësishme e këtij programi është edhe miksimi i universiteteve publike shqiptare me ato europiane

Arbër Hitaj / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.