Rama shpjegon paketën e zgjeruar – Mbështetja financiare përfshin 176 mijë familje
Nëpërmjet një njoftimi në faqen zyrtare , kryeministri i vendit, Edi Rama ka shpjeguar paketën e zgjeruar mbështet me një pagesë direkte prej 40.000 lekësh për 176.000 mijë familje.
Sipas njoftimit të kryeministrit përfitues do të jenë100 mijë të punësuar në bizneset e vogla, të cilat janë goditur në xhiron e tyre gjatë javëve të kufizimit të lëvizjeve, 66 mijë punonjës në bizneset e mëdha që janë goditur gjatë këtyre javëve në vendet e tyre të punës dhe 10 mijë të punësuar në sektorin e turizmit.
Nga data 20 prill shuma 40.000 lek do të fillojë të derdhet në llogaritë e të gjithë ketyre individëve dhe brenda muajit të 176 mijë familjet përkatëse do ta kenë marrë atë ka shkruar Rama.
Rama është shprehur se me konsolodimin e ecurisë së derisotme të luftës, vlerësohet se një pjesë e konsiderueshme e këtyre punonjësve do të mund të rikthehen në punë brenda majit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.