Raporti: Europa Lindore ka përqindjen më të lartë e të infektuarve me HIV në mbarë botën

Sipas raportit, Europa Lindore ka shkallën më të lartë e të prekurve me HIV/AIDS duke qenë kështu epidemia më e madhe e HIV në botë, e cila u bë e ditur një ditë më parë nga zyrtarët e shëndetësisë globale.

Në Europën Lindore dhe në Azinë Qendrore në vitin 2017, 130.000 njerëz u infektuan me virusin e HIV, duke shënuar një rritje prej 29 për qind të infeksioneve të reja që nga viti 2010, sipas një raporti të ri të bashkëautorizuar nga Zyra Rajonale e Organizatës Botërore të Shëndetësisë (OBSH) për Europën dhe Qendrën e Bashkimit Evropian për Parandalimin dhe Kontrollin e Sëmundjeve, e cila u bë e ditur përpara Ditës Botërore të AIDS-it, më 1 Dhjetor. Ndërkohë, 30.000 njerëz në Europën Perëndimore u regjistruan me virusin HIV/AIDS.

Më tej, një përqindje më e lartë u diagnostikua në fazat e vonshme të infektimit në Evropën Lindore sesa në Evropën Perëndimore, tha raporti. Për më tepër, shkalla për 100,000 njerëz ishte shumë më e lartë në Evropën Lindore-51,1 – se 6.4 për 100,000 në Evropën Perëndimore, tha raporti. Por Rusia kryesonte këtë listë, me 71 raste të reja të diagnostikuar për 100,000 njerëz vitin e kaluar.

Viti “shënoi një vit tjetër të alarmant të numrit të diagnozave të reja të HIV-it në Rajonin Europian të OBSH”, tha përmes një deklarate Qendra Europiane për Parandalimin dhe Kontrollin e Sëmundjeve.

“Raporti bën thirrje për një veprim urgjent për vendet dhe zonat (veçanërisht në pjesën lindore) për të ripërtërirë angazhimin e tyre politik dhe për të rritur shanset e zbatimit të planit për përgjigjen e sektorit të shëndetësisë ndaj HIV-it në Rajonin Europian të OBSH-së”, thanë autorët në përmbledhjen e tyre ekzekutive.

Masat të tilla janë të kushtueshme, por thelbësore për përmbushjen e synimeve të OBSH-së dhe Programin e Përbashkët të Kombeve të Bashkuara për HIV / AIDS, i njohur si objektivi 90-90-90: “Diagnoza 90 për qind e të gjithë njerëzve me HIV pozitiv, ofrojnë terapi antiretrovirale 90 për qind e atyre të diagnostikuar dhe për të arritur shtypjen virale për 90 për qind të atyre që trajtohen “, thanë autorët e raportit.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.