Raporti i ERE-s për energjinë – Ahmeti: Konsumi u rrit me 4.9%, rreth 40% e energjisë u ble në treg të hapur

Konsumi i energjisë elektrike për vitin 2017 u rrit me 4.9% në raport me një vit më parë, ndërkohë që prodhimi i HEC-eve private ra me 27% për shkak të thatësirës”. Të dhënat u bënë me dije nga kreu i Entit Rregullator të Energjisë, Petrit Ahmeti gjatë prezantimit të raportit vjetor në Parlament, ndërsa  shtoi se rreth 40%  e energjisë u ble në tregun e parregulluar.

Ahmeti e përshkroi si të qëndrueshme situatën financiare të kompanive shtetërore për vitin 2017, pavarësisht faktit se Korporata Elektroenergjetike Shqiptare dhe Operatori i Shpërndarjes së Energjisë Elektrike e mbyllën vitin me humbje.

Ahmeti shmangu akuzat e bëra nga Sekretariati i Komunitetit të Energjisë në lidhje me vonesën e liberalizimit të tregut dhe bërjes funksionale të bursës së energjisë. Teksa u ndal te rekomandimet e këtij të fundit, sipas kreut të ERE-e nevojitet një riorganizim i institucionit që ai drejton si dhe rritje pagash për punonjësit, me qëllim rritjen e pavarësisë.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.