Raporti i FMN, 29 rekomandime! Nga emërimi i zëvendësdrejtorit të tretë te rimbursimi i TVSH-së
Fondi Monetar Ndërkombëtar ka vlerësuar punën dhe arritjet e Ministrisë së Financave dhe Drejtorisë së Përgjithshme të Tatimeve.
Për më shumë lexo:
FMN analizon “tatimet” – Rritje e ndjeshme, por optimizmi i qeverisë po i shkakton presion
Krahas vlerësimeve, FMN në raportin e publikuar jep edhe një serë rekomandimesh për atë që duhet bërë më tej. Në listën e rekomandimeve janë edhe rimbursimi i TVSH-së, procedurat e apelimit apo emërimi i zëvëndësdrejtorit të tretë të Tatimeve.
Përmirësimi i Qeverisjes dhe Marrëveshjeve Organizative
-Planifikimi i takimeve më të shpeshta të Komitetit të Menaxhimit të Reformës për të nxitur reforma dhe rishikimi i planit strategjik.
-Emërimi i Zëvendësdrejtorit të tretë në rolin vakant sa më shpejt të jetë e mundur dhe përshpejtimi i plotësimit të vendeve të lira në të gjithë strukturën.
-Ndryshimi i kuadrit ligjor për t’i dhënë DPT-së autoritet më të madh për të rregulluar organizimin e strukturave dhe për të shpërndarë burime.
-Krijimi i një procesi të fuqishëm të qeverisjes për menaxhimin e kontratës së re të IT-së në nivel më të lartë në DPT.
-Zhvillimi i një strategjie gjithëpërfshirëse për të ndërtuar një kulturë të fortë integriteti në të gjithë fuqinë punëtore për të adresuar rreziqet nga korrupsioni.
Forcimi i Zyrës së Tatimpaguesve të Mëdhenj
-Rishikimi i kritereve për tatimpaguesit e mëdhenj për të siguruar që të gjithë këta tatimpaguesit të menaxhohen nga Zyra e Tatimpaguesve të Mëdhenj.
-Krijimi i një njësie të menaxhimit të riskut tek Zyra e Tatimpaguesve të Mëdhenj në kuadër të mbrojtjes nga rreziku i diferencimit, duke përfshirë këtu analizën e të ardhurave tatimore dhe profilizimin e tatimpaguesve.
-Shqyrtimi i gamës së detyrave të ndërmarra nga auditi i Departamentit të Llogarive dhe përcaktimi i masave organizative më të përshtatshme për punën jo-audituese.
-Finalizimi i masave të ndërmarra për konsolidimin e tre grupeve ekzistuese për transferimin e politikave në një njësi të vetme brenda Zyrës së Tatimpaguesve të Mëdhenj.
Forcimi i Menaxhimit të Rrezikut të Përputhshmërisë
-Zgjerimi i qasjes dhe përdorimit të të dhënave të palëve të treta, duke përfshirë raportimin automatik nga të dhënat e bankës dhe të sigurimi i një databaze me metoda analizuese.
-Zhvillimi i një strategjie të menaxhimit të të dhënave që optimizon përdorimin e këtyre të dhënave nga të gjitha burimet, duke përfshirë edhe të dhënat nga programi e-fiskalizimit.
-Rishikimi i strukturës organizative të Departamentit të Menaxhimit të Riskut, duke përfshirë ndarjen e punës midis njësive organizative, për të mbështetur ndryshimet në procesin e biznesit dhe sigurimin e të dhënave të reja në bazë të zhvillimit të mjeteve analitike.
-Përmirësimi i programit të punës së Menaxhimit të Rrezikut të Pajtueshmërisë për siguruar zhvillimin shumëvjeçar të planit të përmirësimit.
Përmirësimi i Regjistrimit dhe Shërbimeve të Tatimpaguesve
-Propozimi i një ndryshimi legjislativ që lejon DPT të përditësojë regjistrin e tatimpaguesve ku ka prova të qarta nga raportet në terren se regjistrimi i të dhënave është i pasaktë.
-Zhvillimi i një programi për të testuar saktësinë e regjistrit të tatimpaguesve, në bashkëpunim me Qendrën Kombëtare të Biznesit, duke përfshirë edhe saktësinë e regjistrit pasiv.
-Zhvillimi i një strategjie për shërbimin ndaj tatimpaguesve dhe vendosja e masave të qarta qeverisëse për të drejtuar zbatimin në mënyrë të koordinuar të kësaj strategjie.
-Angazhimi dhe përfshirja e tatimpaguesve dhe ndërmjetësve të këtyre taksave më tepër si dhe hartimi i proceseve me qëllim thjeshtësimin e pajtueshmërisë dhe uljen e kostove.
-Zgjerimi i gamës së udhëzimeve teknike interpretuese të publikuara.
Përmirësimi i mbledhjes së borxheve tatimore
-Zhvillimi i një plani për të shlyer borxhet e papaguara të taksave.
-Caktimi i një menaxheri projekti si drejtues të taksave të konsoliduara që të përparojë me punën dhe hartimi i një plani të detajuar.
Përmirësimi i auditimit
-Ndërmarrja e analizave për të kuptuar arsyet rreth normave të ulëta të arkëtimit në auditim-vlerësimet dhe zhvillimi i përgjigjeve të duhura.
-Të ndërmerren analiza për rolin dhe performancën e funksionit të auditimit të jashtëm për të përmirësuar rezultatet e auditimit dhe eliminimin e punës me vlerë të ulët.
Rishikimi i ankimimit për të drejtat e tatimpaguesve
-Transferimi i funksionit të apelimit të tatimpaguesit nga Ministria e Financave dhe Ekonomisë tek DPT.
-Përmirësimi i transparencës duke publikuar përmbledhjet e rezultateve të apelimit administrativ dhe statistikat në lidhje me këto ankesa dhe rezultate.
-Përmirësimi i drejtësisë procedurale duke lejuar, për raste konkrete në rrethana përjashtuese, disa fleksibilite për pagesën e tatimit / garancisë dhe kushtet paraprake të afatit kohor të apelit.
-Zvogëlimi i kohës që duhet për të finalizuar apelimet dhe procedurat e rishikimit për trajtimin e ankesave me vlerë të ulët.
Pagesa në kohë e rimbursimeve tatimore me vlerë të shtuar
-Të paguhet shuma e prapambetur e TVSH-së sa më shpejt që të jetë e mundur.
-Ministria e Financave dhe Ekonomisë, për të përmirësuar parashikimin e të ardhurave tatimore neto dhe për të siguruar që fondet janë në dispozicion, duhet të shlyejë menjëherë të gjitha pretendimet legjitime të rimbursimit të TVSH-së.
-Ministria e Financave dhe Ekonomisë të kërkojë një ndryshim legjislativ për rimbursimin e kredive pa ndonjë pagesë minimale pa afat dhe pa detyrimin që tatimpaguesit të dorëzojnë një kërkesë të veçantë për rimbursim.
Elefteria Zguri/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.