Raporti i FMN-së për Maqedoninë: Rritja ekonomike, vetëm 1,9 për qind për 2017
Misioni i Fondit Monetar Ndërkombëtar (FMN-së), nga data 6 deri më 18 shtator zbatoi shqyrtimin vjetor të ekonomisë së Maqedonisë dhe pret që pas ngadalësimit të rritjes reale të Bruto Produktit Vendor në nivelin 2.4 për qind në vitin 2016, ai të ulet akoma në nivelin 1.9 për qind për vitin 2017, ndërsa inflacioni të arrijë në shifrën 1.2 për qind, raportojnë mediat në Maqedoni.
Raporti vlerëson se perspektiva në një afat të mesëm është e volitshme në varësi të stabilitetit të vazhdueshëm dhe kërkesës së fuqishme nga jashtë.
“Rritja reale e BPV-së pritet sërish të kthehet në nivel më të lartë në vitin 2018 dhe gradualisht të rritet në 3.75 për qind në afat të mesëm, e mbështetur prej vendimeve të përmirësuara nga investuesit, kapacitetet eksportuese të zgjeruara dhe përmirësimit të vazhdueshëm të kushteve në tregun e punës. Rreziqet në aspektin e perspektivave janë në rënie”, thuhet në raportin e FMN-së.
Sipas Misionit të FMN-së, në mungesë të masave të përhershme për konsolidim, deficiti fiskal pritet të përhapet dhe borxhi publik të rritet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.