Raporti i PZOT: Shqipëria midis destinacioneve të preferuar të turistëve polakë
Shoqata e Operatorëve Turistikë Polakë (PZOT) ka thënë se në javën e dytë të vitit 2018, shitjet te agjentët e udhëtimeve u rritën 61 për qind krahasuar me të njëjtën periudhë të një viti më parë.
Në rastin e rezervimeve të fluturimit, rritja ishte 69.9 për qind. Udhëtimet me tren u rritën me 42.6 për qind nga viti në vit, dhe rezervimet e akomodimit për 13.8 për qind, të dhëna këto që shoqata i ka siguruar nga sistemi i rezervimit MerlinX.
“Tre destinacionet kryesore të udhëtimit ishin Greqia, Turqia dhe Egjipti. Vende të tjera të njohura në mesin e turistëve polakë përfshinin Spanjën, Bullgarinë, Italinë dhe Shqipërinë”, shkruan e përditshmja polake Rzeczpospolita.
Raporti i PZOT, i cili mbulon shitjet në javë nga data 8 deri më 14 janar 2018, mbulon sezonin e turizmit që filloi më 1 nëntor 2017 dhe zgjat deri më 31 tetor 2018.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.