Raporti i “Reporterëve pa Kufij”, Rama: Shqipëria vlerësohet pozitivisht, renditet 6 vende më lart se një vit më parë
Kryeministri Rama nëpërmjet një statusi në Facebook komenton raportin e fundit të “Reporterëve pa Kufij”, ku sipas tij Shqipëria është vlerësuar pozitivisht, duke e renditur 6 vende më lart se një vit më parë. Sipas Ramës, “Reporterët pa kufij” vlerëson se në botë është shënuar një “rënie e thellë dhe shqetësuese” e lirisë së medias.
“Në raportin e sapopublikuar për gjendjen e Lirisë së Medias në botë “Reporterët pa kufij” vlerësojnë pozitivisht Shqipërinë duke e pozicionuar 6 vende më lart se një vit më parë. “Reporterët pa kufij” vlerëson se në botë është shënuar një “rënie e thellë dhe shqetësuese” e lirisë së medias.
Organizata vlerëson se me rënien e shkallës së demokracisë, retorikën helmuese, ndikimet e drejtpërdrejta dhe të tërthorta politike dhe shtimin e udhëheqësve autoritarë në botë, po rritet numri i vendeve ku liria e medias është më e kërcënuar se kurrë: shkruan Kryeministri.
Sa i takon renditjes këtë vit, Rama shkruan se “ Përballë kësaj situate ndërkombëtare, “Reporterët pa kufij” e radhitën këtë vit Shqipërinë në vendin e 76, ndryshe nga një vit më parë kur ishte në vendin e 82-të. Shqipëria përparuar në renditje me 6 pozicione, së bashku me Kosovën e cila radhitet e 82-ta, ndryshe nga një vit më parë kur ishte radhitur në vendin e 90-të. Nga vendet e rajonit, më mirë qëndron Bosnja dhe Hercegovina që është radhitur në vendin e 65-të, e pasuar nga Serbia në vendin e 66-të, Kroacia në vendin e 74-të dhe Mali i Zi në vendin e 106-të. Në pozitën më të rëndë është Maqedonia që është radhitur në vendin e 111-të”.
KUSH GËNJEN (25)Në raportin e sapopublikuar për gjendjen e Lirisë së Medias në botë “Reporterët pa kufij” vlerësojnë…
Posted by Edi Rama on Wednesday, April 26, 2017
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.