Raporti mbi dëgjesat në qarkun Durrës – Kanalizimet dhe mungesa e investimeve publike kryesojnë listën
Kryeministri Rama ka publikuar sot raportin nga dëgjesat me qytetarët në qarkun e Durrësit.
Problematikat e ngritura nga qytetarët kanë qenë të shumta, por ato që kryesojnë listën kanë të bëjnë me kanalizimet dhe mungesën e investimeve publike.
Në 23 dëgjesa të realizuara në këtë qark, 24 herë është ngritur si problem nga qytetarët çështja e kanalizimeve, dhe 21 herë problemi në lidhje me mungesën e investimeve publike.
Pas zgjedhjeve të 25 qershorit kryeministri Rama nisi në tur një mujor në të gjithë vendin duke kryer dëgjesa me qytetarët në kuadër të programit të “Bashkëqeverisjes me njerëzit”.
Ankesat e qytetarëve janë përpunuar dhe analizuar për të hartuar edhe planin qeverisës për çdo qark.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.