Raporti me 97 faqe për shkarkimin e Metës – Alketi Hyseni: Shkeli betimin dhe Kushtetutën, nxiti dhunë, na cënoi raportet me partnerët

Ka qenë deputeti i mazhorancës Alketi Hyseni që ka paraqitur për rreth një orë konkluzionet e Komisionit të Posaçëm Parlamentar, i cili në fund të hetimit, i ka propozuar Kuvendit shkarkimin e Presidentit Ilir Meta. Huseni, i cili kryesoi Komisionin Hetimor, renditi në mënyrë të përmbledhur akuzat që ngrihen ndaj Presidentit të shprehura prej tij në 19 programe televizive, e 45 postime në rrjetet sociale. Mes shkeljeve më të rënda që u renditën në raport, mund të veçohen ato që qëndrimet e Metës shkaktuan dhunë gjatë zgjedhjeve, nxitja e urrejtjes, shkeljet flagrante të Kushtetutës, por edhe sjelljet e Presidentit me partnerët ndërkombëtarë të Shqipërisë duke cënuar imazhin e vendit e raportin me ta.

Pavarësisht votave të Kuvendit, do të jetë Gjykata Kushtetuese ajo që do të vendosë për shkarkimin apo lënien në detyrë të Presidentit të Republikës Ilir Meta.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.