Raporti për lirinë e medias – Vokshi: Jemi ende në censurë. Shqipëria, në 5 vendet në botë me krim të organizuar
Kryetarja e Komisionit të Medias, Albana Vokshi, ka ngritur shqetësimin për situatën e krijuar në Shqipëri lidhur me kufizimin e lirisë së medias. Nisur nga Raporti i Organizatës së njohur “Reporterët pa Kufij” ku Shqipëria renditet në 5 vendet me krim të organizuar të fuqishëm një situatë e cila ka ndikuar drejtpërsëdrejti në lirinë e medias dhe sigurinë e gazetarëve.
Vokshi akuzoi kreun e qeverisë, Edi Rama, se prej 5 vjetësh ka krijuar imazhin e një vendi parajsë për trafikun e drogës.
Sipas Vokshit, Raporti i Organizatës së njohur “Reporterët pa Kufij” përforcon shqetësimet e ngritura edhe nga Departamenti Amerikan i Shtetit në raportin vjetor për Të Drejtat e Njeriut në Shqipëri, ku u denoncua “kapja e medias ”për interesa të qeverisë dhe kërcënimet e gazetarëve për të mos investiguar për korrupsionin dhe krimin e organizuar.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.