Raportimi i “Task Forcës” – Rama: T’i japim fund historisë së kultivimit të kanabisit
Kryeministri, Edi Rama, paralajmëroi se muajt në vijim janë të rrezikshëm për kultivimin e kanabisit, duke i bërë thirrje policisë që mos mbyllë sytë. Këtë thirrje, kryeministri Rama e bëri gjatë mbledhjes së Task – Forcës për raportimin e situatës aktuale.
Rama është shprehur se, ky proces duhet të vazhdojë deri në fund, ndërsa ka kërkuar që rëndësi mos t’i kushtohet vetëm asgjësimit të bimëve, por edhe kapjes së personave të përfshirë në kultivimin dhe tregtimin e kanabisit.
Sipas raportimit të bërë gjatë kësaj mbledhje, rezulton se janë hetuar dhe verifikuar gjithsej 51 punonjës policie, ku ndër ta nuk kanë munguar të arrestuarit dhe të përjashtuar nga policia. Gjatë kësaj periudhe në sistemin policor janë administruar gjithsej 1844 informacione policore, vetëm në drejtim të kultivimit të kanabisit.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.