Raportojnë institucionet e pavarura – Ruçi: Drejtësi për qytetarët edhe në kohë jonormale. Mos vonohen reformat, të plotësohen Gjykatat
Është zhvilluar në mënyrë të pazakontë raportimi i përvitshëm në Kuvend i 23 institucioneve të pavarura dhe të krijuara me ligj. Në fjalën e tij. Kreu i Kuvendit Gramoz Ruçi e vuri theksin te situata emergjente e momentit, ku bëhet edhe më e nevojshme garantimi i shtetit të së drejtës dhe shërbimet e të drejtat e qytetarëve të jenë të garantuara. Ai u kërkoi institucioneve, që më shumë se sa në kohë normale, të jenë sot si roje dhe garantë të interesit publik dhe të të drejtave të qytetarëve. Ruçi tha se nuk mund të justifikohet asnjë vonesë në reformën në drejtësi dhe veçanërisht plotësimin e dy gjykatave kryesore në vend, të Lartës dhe Kushtetueses.
Krerët e institucioneve raportuan për aktivitetin e tyre online dhe garantuan vijimësinë e punës nën kushtet e Pandemisë.
Ruçi kërkoi raportim të përjavshëm të institucioneve në Kuvend deri në fund të Pandemisë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.