Rastet e infeksioneve nga COVID-19 shënojnë rënien më të madhe që prej dy javësh – Por Italia, Spanja, Franca dhe Britania qëndrojnë ende nën alert!
Katër vendet më të goditura në Europë, raportuan rënie në ritmin e vdekjeve nga Koronavirusi, ndësrsa një zyrtar italian i shëndetësisë tha që shpërthimi i infeksionit në vend mund të ketë arritur kulmin.
Të dhënat e fundit nga Spanja, Italia, Franca dhe SHBA sugjeruan se masat e frenimit që kanë prekur miliona punëtorë kanë pasur efekt, duke bërë që liderët politikë ti zgjasin ose ti forcojnë ato edhe më shumë për të frenuar më tej pandeminë. Kryeministri amerikan Boris Johnson u shtrua në spital si masë paraprake pasi nuk arriti të rikuperohej nga virusi dhe nga simptomat e tij për 10 ditë.
Me numrin e infeksioneve të konfirmuara në të gjithë botën që arrijnë 1.3 milion, Italia dhe Spanja kanë numrin më të madh të vdekjeve. Kjo do të thotë që zyrtarët duhet të peshojnë çdo përpjekje për të rifilluar pjesë të ekonomisë përkundrej rrezikut të ripërhapjes së virusit dhe përkeqësimit të numrit të njerëzve të prekur.
“Janë pikërisht masat kufizuese që po na ndihmojnë,” tha Silvio Brusaferro, kreu i Institutit të Shëndetit Publik të Italisë, në Romë të Dielën. Ata kanë çuar në një “ngadalësim të konsiderueshëm të përhapjes” së virusit, tha ai. Italia raportoi 525 vdekje të reja të Dielën, numri më i ulët ditor në 2 javë, numri i viktimave të Spanjës ra për të tretën ditë radhazi dhe Britania regjistroi rënie të numrit nga një ditë më parë. Franca raportoi një 518 vdekje shtesë, më e pakta që nga e marta e kaluar.
Vdekjet e lidhura me koronavirusin arritën pothuajse 16,000 në Itali, më shumë se 12,000 në Spanjë, 8,000 në Francë dhe rreth 4.900 në Britani. Italia ka numëruar 128.948 infeksione, pak më pak se Spanja.(Bloomberg)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.