Rastet me COVID në SHBA, mbi 30.25 mln / Ekspertët paralajmërojnë për rritje të infeksioneve
Numri total i të konfirmuarve me Covid-19 në Shtetet e Bashkuara ka kaluar 30.25 milionë në 24 orët e fundit, sipas Universitetit John Hopkins, ndërkohë që vdekjet kaluan 549 mijë, që janë shifrat më të larta në botë. Shtetet e Bashkuara raportuan mbi 40,000 raste të reja dhe 488 të vdekur nga Covid-19 në 24 orët e fundit.
Anthony Fauci, këshilluesi kryesor i sëmundjeve infektive në vend, tha se numri i rasteve të reja qëndron i lartë dhe ekziston mundësia e një rritjeje tjetër. Sipas të dhënave të fundit nga Qendre e Kontrollit dhe Parandalimit të Sëmundjeve, infeksionet e lidhura me variantet e reja ishin në 11,000 në 24 orët e fundit, ku mbizotëronin variantet britanikë.
Sipas të dhënave, një total prej 33 shtetesh në Amerikë raportuan rritje të rasteve. Drejtoresha e Qendrës së Kontrollit të Sëmundjeve, Rochelle Walensky, tha se numri mesatar ditor i rasteve të reja në 7 ditët e fundit ishte në rreth 57,000, ën rritje me 7% nga java e kaluar. Ekspertët amerikanë ranë dakord që Shtetet e Bashkuara janë shumë larg zhvillimit të imunitetit në tufë. Megjithatë, shumë shtete, përfshirë Teksasin, kanë rihapur bizneset dhe kanë hequr masat e rëndësishme të parandalimit të virusit.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.