Reagojnë zyrtarët e shëndetësisë në SHBA! Mbi 1,000 staf të CDC kritikojnë kundërpërgjigjen e qeverisë ndaj Covid-19

Mbi 1,000 persona staf, aktual dhe të larguar, tek Qendra e Kontrollit dhe Parandalimit të Sëmundjeve në SHBA, kanë nënshkruar një letër të hapur, ku shprehin shqetësimet mbi kundërpërgjigjen e vendit ndaj Covid-19, sipas një raporti të Wall Street Journal.

Në letër, 1,044 nënshkruesit brenda Shërbimit të Inteligjencës së Epidemisë,  shprehën shqetësimet e tyre mbi “politizimin dhe heshtjen e agjencisë së mbrojtjtes së shëndetit në vend, gjatë pandemisë”.  Letra theksonte gjithashtu se “mungesa e një lidershipi kombëtar mbi Covid-19 ka qenë e rrezikshme”.  Aty shkruhej gjithashtu se epidemia në Shtetet e Bashkuara është përkeqësuar për shkak të zinxhirëve të transmetimit që u përhapën në vend.

Sipas punëtorëve të agjencisë, dështimi i gjurmimit mund të ketë qenë i  përqëndruar brenda kufijëve të secilit shtet, por koronavirusi nuk ka qenë.  Një kaos të tillë, agjencia është përpjekur ta shmangë gjatë historisë së gjatë të bashkëpunimit me shtetin dhe autoritetet lokale, për të zhvilluar sisteme kombëtare të mbikqyrjes së sëmundjeve.  “Qendra e Kontrollit dhe Parandalimit të Sëmundjeve, duhet të jetë në krye të një kundërpërgjigjeje të suksesshme ndaj kësaj emergjence botërore. Ne i bëjmë thirrje amerikanëve që t’i kërkojnë liderëve që të lejojnë agjencinë të rimarrë këtë rol”,- sipas letrës.

Një nga nënshkruesit, Charles Rabnkin, tha se letra tregon një shprehje të solidaritetit brenda komunitetit.  Shtetet e Bashkuara, qëndrojnë vendi më i goditur në botë nga koronavirusi, me numrin më të madh të rasteve dhe vdekjeve.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.