Realizimet dhe mosrealizimet e 2017/Financat publikojnë treguesit zyrtarë fiskalë të 9 mujorit: Rreth 21.6 miliardë lekë më shumë të ardhura

Të ardhurat në buxhetin e shtetit për 9-mujorin rezultojnë më të larta se e njëjta periudhë e një viti më parë. Sipas treguesve fiskale zyrtarë të Ministrisë së Financave, rezulton se të ardhurat në total për periudhën janar-shtator 2017 janë rreth 320 miliardë lekë me një rritje prej rreth 21.6 miliardë lekësh krahasuar me të njëjtën periudhë të një viti më parë.

Në krahasim me planin, rezulton se rritja në zërin e të ardhurave është me 0.2 % ose e shprehur në vlerë 499 milion lekë më shumë.

Të ardhurat tatimore rezultojnë rreth 298 miliard lekë, ose 0.5 % sesa ishte parashikuar për këtë periudhë të vitit. Të ardhurat tatimore janë 1,590 milion lekë më shumë sesa ishte parashikuar.

Ndikim në këtë rritje kanë pasur të ardhurat nga pushteti vendor që kanë shënuar një rritje prej 665 milion lekëve ose 4.5 % më shumë se plani.

Nga tatimet dhe doganat rezulton një mosrealizim prej 200 milion lekësh.

Të ardhurat nga fondet speciale (sigurimet shoqërore dhe shëndetësore pozitivisht, kompensimi i pronarëve negativisht) rezulton se ndikuar pozitivisht në rritjen e të ardhurave pasi në këtë periudhë rritja rezulton me  1,124 milion lekë ose me 1.8 %.

Në zërin të ardhura jotatimore rezulton se ka “bilanc” negativ me 567 milion lekë më pak se plani.

Sa i përket shpenzimeve, rezulton se ka një mosrealizim prej 4,808 milion lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.