Reforma Gjyqësore, sheshim i taksave, luftë ndaj korrupsionit/ Çfarë tjetër përmban programi 121 faqësh i kryeministrit sllovak?!
Kryeministri i ri i Sllovakisë Igor Matoviç, kishte në fokus eliminimin e korrupsionit në mandatin e tij të parë, duke premtuar “tolerancë zero” për ata që bënin të kundërtën, edhe gjatë kohës kur vendi po lufton me pandeminë e Covid-19.
Programi prej 121 faqesh i Kabinetit të parë të udhëhequr nga Matoviç, i cili çuditërisht fitoi zgjedhjet gjashtë javë më parë, përfshin një kërkesë për zyrtarët e lartë të policisë që t’i nënshtrohen testit të së vërtetës ndërsa politikanët të mund të mbajnë përgjegjësi për vendimet jo të drejta të ndërmarra nga vetë ata.
Qeveria gjithashtu u zotua të rregullojë sistemin gjyqësor me masa të tilla si një kufi moshe për gjyqtarët, ndryshime në procedurat disiplinore dhe heqjen e imunitetit të tyre ligjor.
Zgjedhjet e 29 shkurtit u përqëndruan kryesisht në luftën ndaj korrupsionit, pasi Sllovakia u trondit nga vrasja e vitit 2018 e një gazetari që hetonte mbi lidhjen që kishte politika me krimin e organizuar, duke shkaktuar kështu protesta të mëdha.
Ndërkaq, duhet përmendur se Sllovakia renditet në pozicione jo të favorshme sa i përket shkallës së korrupsionit në vend, nga qendra e Transparencës Kombëtare.
Matoviç gjithashtu mori përsipër të përmirësojë edhe ekonominë e cila është dëmtuar si pasojë e koronavirusit. Koalicioni qeverisës me katër palë, i udhëhequr nga lëvizja e zakonshme e Matovic, dëshiron të balancojë buxhetin deri në vitin 2024, nëse ekonomia globale ringrihet pas pandemisë, sipas dokumentit të postuar në faqen zyrtare të qeverisë.
Matoviç , së bashku me kabinetin e tij qeverisës, nuk synon ngritjen e barrës totale të taksave, por po shqyrton një kthim në taksën e të ardhurave të sheshta, e cila në vitet 2000 ndihmoi Sllovakinë, të shihej si një vend miqësor për investitorët.
Programi gjithashtu afirmon orientimin pro-perëndimor të Sllovakisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.