Reforma në sektorin e pyjeve – Klosi: Për herë të parë regjistër kombëtar dixhital
Për herë të parë do të krijohet një regjistër dixhital për pyjet në të gjithë Shqipërinë. Lajmin e ka barë të ditur kreu i Ministrisë së Turizmit dhe Mjedisit, Blendi Klosi, gjatë prezantimit të Inventarit Kombëtar të Pyjeve, një projekt që po realizohet nga Ministria e Mjedisit në bashkëpunim me Bankën Botërore.
Sipas Klosit, rezultati final i këtij projekti i cili përfshin inventarizimin dhe regjistrimin e pyjeve do të japë edhe të gjitha përgjigjet mbi situatën aktuale në vend në këtë sektor si dhe vlerën e tyre në ekonomi.
“Ka ardhur koha të dimë situatën e vërtetë të pyjeve në Shqipëri si dhe vlerën e tyre në ekonomi! Sa është sipërfaqja e pyllëzuar në vend; Mosha; Çfarë duhet të mbillet sipas specifikave të zonave; Të mirat që sjell pyllëzimi në mjedis, por edhe si vlerë e shtuar në ekonomi dhe punësim! Përgjigjet do ti japë rezultati final i projektit të Inventarizimit të Pyjeve, që po realizohet nga ministria e Turizmit dhe Mjedisit dhe Banka Botërore. Për herë të parë, regjistër kombëtar digjital për situatën e pyjeve në gjithë Shqipërinë! Gjelbërojmë fshatrat dhe qytetet, mbrojmë mjedisin, pastrojmë dhe zhvillojmë zonat turistike!”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.