Reforma në sektorin e ujit, Gjiknuri: Mbi 50% e bizneseve pa ujëmatës, ja ku do ndryshohet ligji

Pas verifikimeve të kryera në terren me nisjen e reformës në sektorin e ujit, rezulton se mbi 50% e biznese që operojnë në vend nuk janë të pajisur me ujëmatës.

Të dhënat u bënë publike nga ministri i Infrastrukturës dhe Energjisë, Damian Gjiknuri i cili bëri me dije dhe ndryshimet ligjore që priten të ndërmerren në drejtim të financimit të shoqërive të Ujësjellës-Kanalizimeve.

Ndërkaq, kreu i Agjencisë Kombëtare të Ujësjellës Kanalizime u ndal te borxhet e pashlyera të abonentëve familjarë, jo familjarë dhe institucione shtetërore.

Deklaratat u bënë gjatë analizës vjetore të AKUK-së, ku ministri Giknuri nuk shmangi as deklaratat politike.

Teksa ju referua zgjedhjeve vendore në vitin 2019, ai tha se krerët e bashkive, të cilët nuk kanë performancë pozitive në drejtim të një sektori kaq të rëndësishëm, nuk duhet të kandidojnë sërish për këtë pozicion.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.