“Reformimi i OKB”, 128 vende nënshkruajnë propozimet e SHBA – Trump: Të shmangim burokracitë në Organizatë
“Pothuajse 128 vende kanë nënshkruar tashmë propozimet e Uashingtonit për reformat në Organizatën e Kombeve të Bashkuara”.
Kështu ka deklaruar sot, Ambasadorja e SHBA në OKB, Nikki Haley, duke shtuar se “përgjigjja që kemi pasur ka qenë fantastike: 128 kombe kanë nënshkruar deklaratën që nga ky mëngjes,” tha Haley në hapjen e takimit të SHBA, mbi reformën e organizatës.
Pas takimit, palët mund të miratojnë një deklaratë mbi reformat e gjera, të propozuara nga Sekretari i Përgjithshëm i OKB, Antonio Guterres.
Presidenti i Shteteve të Bashkuara, Donald Trump tha të hënën se “burokracia” po i mban mbrapa Kombet e Bashkuara, duke thënë se ai mbështet përpjekjet e Sekretarit të Përgjithshëm Antonio Guterres, për të gjetur mënyrat për të reformuar organizatën në mënyrë që të shërbejë për interesat e paqes dhe sigurisë globale.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.