Regjistër elektronik për pyjet – Klosi: Tashmë bashkitë do të marrin licencat e pronësisë 

Për herë të parë në vendin tonë do të këtë një regjistër kombëtar për inventarizimin e pyjeve në mënyrë elektronike. Për Ministrin e Turizmit dhe Mjedisit Blendi Klosi ky regjistër do të ndihmojë  jo vetëm për informacion të saktë mbi këtë pasuri por edhe për  shfrytëzimin ekonomik të saj.

Pas  regjistrit  elektronik i cili pritet të përfundoj për në dy vitet e ardhshme, bashkitë do të pajisen me certifikatën e pronësisë mbi pyjet gjë e cila u jep të drejtën për ti menaxhuar dhe përfituar.

Banka Botërore dhe Agjencia  Suedeze  janë ato të cilat po investojnë përmes një projekti  për  zhvillimin e qëndrueshëm të pyjeve  në vendin tonë, projekt i cili është drejtë përfundimit dhe pritet ti hapi rrugë vënies në jetë të politikave më të mira në këtë drejtim.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.