Rehabilitim i sistemit të furnizimit me ujë në HEC Lanabregas – Hapet tenderi. Fondi dhe detajet
HEC Lanabregas ka njoftuar në faqen zyrtare të APP hapjen e tenderit për ‘REHABILITIMIN E SISTEMIT TË FURNIZIMIT ME UJË TË AGREGATEVE NË HEC LANABREGAS’.
Nevoja për kryerjen e këtyre shërbimeve dhe riparimeve lindi si pasojë e dëmeve të shkaktuara nga avaritë e rënda te njëpasnjëshme te ndodhura ne te dy Agregatet në hidrocentral, me pasojë daljen jashtë pune e Agregatit nr.1 dhe pamundësinë e frenimit te Agregatit nr.2.
Sikurse dihet, Hec Lanabregas është hidrocentrali me i vjetër i ndërtuar në vendin tone. Nisur nga fakti i kohës së gjatë te punës se turbinave te instaluara për prodhimin e energjisë elektrike në Hec Lanabregas qe nga viti 1951 sistemet e tubacioneve te ujit qe operon ne pajisjet e turbinës, automatikes janë në një gjendje shume të amortizuar ku në mënyrë te vazhdueshme shkaktohen avari ne tubacione, saraçineska të presioneve shume të larta, serbentinat e ftohjes së vajit të kushinetave, valvulave te frenimit etj.
Kjo vjen edhe si pasoje e mungesës totale te nyejve dhe te pjesëve te nderimit rezerve për anën hidromekanike dhe elektrike. Rrezikohet seriozisht vazhdimësia e punës ne këtë central nëse nuk merren masa serioze për sigurimin e tyre.
Sipas informacionit të publikuar fondi limit i këtij projekti është 4,907,000.00 Lekë ndërsa afati i fundit i apilikimeve në tender është data 02.11.2021, ora: 14:00.
Në njoftim theksohet se kohëzgjatja e kontratës ose afati për zbatimin e saj është 6 muaj nga lidhja kontratës.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.