Rehabilitimi i trotuarëve, Veliaj: Të rikuperojmë për kalimtarët hapësira që më parë ishin zaptuar
Vijon rehabilitimi i trotuarëve në Kryeqytet. Gjatë inspektimit të punimeve për zgjerimin e atyre në rrugën “Ibrahim Rugova”, pranë Shallvareve, kreu i bashkisë Erion Veliaj u shpreh se është dashur të përdoren parkimet e makinave kjo për shkak të zaptimit të trotuarëve gjatë viteve ‘90 duke i legalizuar dhe hipotekuar.
Veliaj shtoi se projekti i radhës është ndërhyrja në parkun “Rinia”, i cili do t’i nënshtrohet një ndërhyrje totale nga Agjencia e Parqeve dhe Rekreacionit, për ta transformuar edhe këtë hapësirë në një mundësi më shumë për argëtim për fëmijët dhe të rriturit.
Me ndërhyrjen e bashkisë trotuari përgjatë rrugës “Ibrahim Rugova” është zgjeruar në 2.5 metra, ndërkohë që është bërë lëvizja e plotë e pusetave shimbledhëse, por edhe ndriçuesve të rrugës. Heqja e mundësisë së parkimit në këtë zonë rikuperohet, sipas bashkisë, me parkingjet që janë ndërtuar dhe janë në plan për t’u ndërtuar në zonën përreth.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.