Rehabilitohet blloku me sipërfaqe 28 hektarë në Tiranë! Rrugët që do t’i nënshtrohen rikonstruksionit (Fotot)

Bashkia e Tiranës ka hapur tenderin për projektin e rehabilitimit të rrugëve të bllokut që kufizohet nga rrugët “Leandro Zoto”-“Mari Kraja”-“Disha”-“Sadik Petrela”.

Projekti i hartuar ka për qëllim rikonstruksionin e rrugëve të këtij blloku banimi, sistemimin ujërave të shiut, të ujërave të zeza, ndërtimin e ambienteve të gjelbëruara aty ku është e mundur, sistemimin e ndriçimit dhe parkingjet e automjeve.  Tenderi me fond limit 206 milionë e 644 mijë lekë është i hapur deri me 19 mars 2020.

Sipërfaqja e bllokut që do të rehabilitohet është 28 hektarë. Kjo është një zonë me shumë ndërtime, të përfaqësuara me godina 1 – 2 dhe 5 katëshe, të ndërtuara përgjithësisht pas viteve ’90.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.