Rekord i vaksinimit në SHBA-Mesatarja ditore në mbi 3 milionë. Rreth 31% e popullsisë ka marrë 1 dozë

Shtetet e Bashkuara kanë arritur një tjetër rekord ditor të vaksinimit ndaj Covid-19, duke e çuar mesataren e  dozave të reja  tw administruara në mbi 3 milionë në ditë, sipas të dhënave të Qendrës për Kontrollin dhe Parandalimin dhe Sëmundjeve. Agjencia e shëndetit publik raportoi se 4.1 milionë doza të reja janë administruar në 24 orët e fundit, që është shifra më e madhe që kur u miratua vaksina e parë.

Rreth 104.2 milionë amerikanë, apo 31% e popullsisë, kanë marrë të paktën 1 dozë të vaksinës, ndërkohë që 59.9 milionë, apo 18% e popullsisë, janë vaksinuar plotësisht.  Vaksinat e Pfizer dhe Moderna kërkojnë 2 doza për mbrojtjte të plotë imunitare,  ndërsa Johnson & Johnson,  që mori miratim rregullator në fund të muajit Shkurt, ka një regjim me 1 dozë.

Rreth 75% e banorëve amerikanë në 65 vjeç e sipër kanë marrë të paktën 1 vaksinën, duke ofruar mbrojtjte tek një grup i cënuar. Deri më 31 Mars, thuajse 81% e vdekjeve nga Covid në vend kanë ndodhur tek njerëzit në 64-vjeç e sipër.  Rritja e vaksinimit ditor vjen përballë rritjes së ofertës dhe grupmoshës së përshtatshme për t’ui vaksinuar.  Në shtete si Teksas, Kansas dhe Ohio, të gjithë banorët 16-vjeç e sipër mund të marrin një vaksinë.

Presidenti Joe Biden i ka bërë thirrje vendit që të vazhdojë të qëndrojë vigjilend mbi përhapjen e koronavirusit, pavarësisht progresit të madh në vaksinim.  Ndërkohë, Qendra për Kontrollin e Sëmundjeve, lajmëroi gjithashtu se njerëzit e vaksinuar plotësisht mund të udhëtojnë pa rrezik tek njëri tjetri, ndërsa në publik, duhet të veshin maskë dhe ruajnë distancim fizik.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.