Rekord kontrollesh dhe inspektimesh në të gjithë vendin – AKU kryen mbi 900 monitorime dhe vendos 22 masa administrative
Trupat inspektuese të Autoritetit Kombëtar të Ushqimit kanë kryer gjatë 24 orëve të fundit 938 inspektime dhe monitorime edhe si pjesë e Task-Forcës Anti Covid.
Sipas njoftimit gjatë kontrolleve zyrtare për garantimin e sigurisë ushqimore në operatorë të biznesit janë dhënë 22 masa me paralajmërim përgjithësisht për rinovim të librezave shëndetësore, rinovim të analizave të ujit dhe planit DDD si dhe për sistemim të produkteve sipas natyrës sё tyre.
Ndërkaq AKU bën me dije se referuar Planit të Marrjes së Mostrave janë marrë 19 mostra në monitorim të produktit qumësht.
AKU si pjesë e Task-Forcës njofton se po vijon me monitorimet në të gjitha kategoritë e bizneseve për zbatim të protokolleve të sigurisë dhe se gjithashtu janë këshilluar nga ana e Task-Forcës edhe qytetarë për mbajtje të detyruar të maskës, kundër përhapjes së coronavirusit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.