Rekord për bursat europiane – Rritja më e madhe në 9 vite, në tremujorin e parë

Tregjet europiane kanë pasur një tremujori të parë të vitit të shkëlqyer. madje edhe bursa e Londrës është regjistruar në rritje, me rreth 8%. Londra qëndron e fundit në listën e tregjeve aksionare më të mëdha të Europës, për shkak të Brexit por edhe kolapsit të gjigandit “TUI”, turoperatori që pësoi një rënie të madhe në bursë rrjedhojë e skandalit me Boeing 737. Bursa e Parisit raportohet në rritje me 13%, Frankfurti me 0.86%, Zyrihu me 12% dhe Madridi me Londrën me nga 8.2%.

Rekordin europian ndërkohë e mban bursa e Milanos, me një rritje të frikshme në 16.2% në tremujorin e parë të vitit. Për tregjet europiane ky është tremujori më i mirë në 9 vitet e fundit. Tregjet ndjekin me interes mjaft të lartë zhvillimet në aksin SHBA-Pekin dhe mundësinë e arritjes së një marrëveshje mes tyre.

Nga ana tjetër, “Brexit” po shqetëson jo pak. Sa i përket tregut të këmbimit valutor, paundi britanik ka rënë lehtë ditën e premte, si pasojë e dështimit të votës së tretë për brexit. Sterlina këmbehet tanimë me 0.8620 euro. Edhe nafta është regjistruar në rritje të lehtë.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.