Rekord të prekurish, Ministria e Shëndetësisë: 29 teste pozitive në 24 orë, numri i viktimave shkon në 18
Ministria e Shëndetësisë dhe Mbrojtjes Sociale, gjatë komunikimit të përditshëm për përditësimin e rasteve të reja me COVID – 19 ka njoftuar se në 24 orët e fundit është shënuar një tjetër viktimë e moshës 67 vjeç, nga Tirana, duke çuar kështu në 18 numrin total të viktimave.
“Pacienti ishte i shtruar prej 13 ditësh në spitalin infektiv. Prej 6 ditësh ishte intubuar dhe me hemodializë, që e kryente brenda spitalit infektiv” njoftoi Marjeta Dervishi, përfaqësuese e Institutit të Shëndetit publik.
Në 24 orët e fundit, sipas të dhënave të përditësuara, janë testuar 216 persona të dyshuar prej të cilëve janë konfirmuar 29 raste të reja. Ky numë shënon rekordin e rasteve të reja me COVID – 19 në 24 orë, që nga fillimi i shpërthimit të pandemisë në Shqipëri.
Në total janë kryer 2.247 teste ndërsa numri total i të infektuarve ka shkuar në 333 raste.Lajmi i mirë është se gjatë 24 orëve të fundit ka pasur 10 pacientë të shëruar, mes të cilëve 3 mjekë, duke çuar kështu numrin total të të shëruarve në 99.
Shtrirja gjeografike vijon si më poshtë:
Tiranë 157
Durrës 33
Lushnjë 5
Elbasan 9
Fier 25
Kavajë 8
Rrogozhinë 4
Korçë 16
Vlorë 5
Shkodër 31
Lezhë 14
Berat 1
Has 9
Krujë 5
Tropojë 4
Pukë 4
Mirditë 3
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.