Rekordi/Tirana, problematike për vendet e parkimit, por edhe për parkimet e gabuara! Policia: Në 1 ditë, 478 mjete me shkelje (VIDEO)  

Parkimi përbën një problematikë të madhe për Tiranën, por edhe parkimi i gabuar gjithashtu! Policia Rrugore u bën apel qytetarëve që të respektojnë ligjet e rregullat në rastin e parkimit të automjeteve. Vetëm në 1 ditë janë konstatuar 478 mjete të parkuara në shkelje të rregullave të qarkullimit rrugor.

“Me hapësirat dhe numrin e mjeteve që qarkullojnë në kryeqytet, sigurisht që parkimi mbetet problem, por nuk ka absolutisht asnjë justifikim që për të konsumuar kafe, të parkosh ku të mundesh, në trotuar, në rresht të dytë, në vendkalim këmbësorësh, në korsitë e dedikuara apo në vendin e rezervuar për mjetet e shërbimit publik dhe nuk janë disa raste sporadike të tilla, por plot 478 mjete të konstatuara dhe për këtë shkelje, në një ditë. Kryeqyteti është i të gjithë qytetarëve, dhe nëse dëshironi që të ngjajë si i tillë, duhet më shumë përgjegjshmëri, respekt ndaj tjetrit dhe sigurisht bindje ndaj rregullit” njofton Policia.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.