Rekurs në Gjykatën e Lartë – Adriatik Lalla kërkon heqjen e sekuestros mbi pronat e tij
Ish-Prokurori i Përgjithshëm Adriatik Llalla ka kërkuar në Gjykatën e Lartë heqjen e sekuestros për pasuritë e tij. Lajmi është konfirmuar nga vetë kjo Gjykatë pak ditë pasi avokati i Llallës, Sokol Hazizaj depozitoi rekursin pranë saj. Në kërkesë Llalla pretendon heqjen e sekuestros për disa prona të tij, me vlerë rreth 1 milionë dollarë, ku përfshihen toka, ara, si dhe një apartament.
Pronat e Lallës u vunë nën sekuestro nga Prokuroria e Krimeve të Rënda pas akuzave për fshehje të pasurisë si dhe të pastrimit të parave.
Lajmi i keq për Lallën është se rekursi i tij i është shtuar rreth 26 mijë dosjeve në pritje të shqyrtimit nga Gjykata e Lartë. Ajo tashmë numëron vetëm 4 anëtarë për shkak të përfundimit të mandateve dhe shkarkimeve nga Vetting-u. Ata janë Xhezair Zaganjorin, Edmond Islamaj, Medi Bici dhe Ardian Dvorani. 4 gjyqtarët arrijnë të koordinohen vetëm për të shqyrtuar çështjet emergjente me afat.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.